"Манчестер Сити" ярим ҳимоячиси Бернарду Силва жамоасининг Англия Премьер-лигасидаги навбатдаги ғалабаси ҳақида ўз фикрини айтди.
“Шаҳарликлар” кетма-кет учинчи марта мамлакат чемпионлигини қўлга киритди. Бугун "Челси" устидан 1:0 ҳисобида ғалаба қозонган ҳолда, улар иккинчи ўриндаги "Арсенал"дан 7 очко олдинга чиқиб олишди.
"Премьер-лигада кетма-кет учинчи ва сўнгги олти мавсумда бешинчи марта ғалаба қозонишдан жуда бахтиёрмиз. Бизнинг ютуғимиз ўзига хос, чунки Англияда чемпионлик учун кураша оладиган жамоалар кўп. Биз тарихий муваффақиятга эришдик.
Биз АПЛдаги ғолибликка Англия кубоги ва Чемпионлар лигасидаги ғалабани қўшмоқчимиз. Биз требль учун қўлимиздан келганини қиламиз”, - дея Силванинг сўзларини келтиради BBC.
