Душанба куни Италия чемпионатининг 36-тури икки учрашув билан якунланади – “Эмполи” Туриннинг “Ювентус” клубини қабул қилади, “Рома” эса ўз майдонида “Салернитана” билан ўйнайди.
Рим клуби устози, португалиялик мутахассис Жозе Моуриньо учун бу Италия чемпионатидаги 150-юбилей учрашуви бўлади. Уларнинг кўп қисмини, албатта, у “Интер” бошқарувида ўтказди, "нерадзуррилар" билан Жозе 2010 йилда мамлакат чемпиони бўлди, ҳаттоки Чемпионлар лигаси ва Италия кубогини ҳам қўлга киритди.
Айни дамда “Рома” Италия чемпионати турнир жадвалида еттинчи ўринда бормоқда, "Салернитана" билан ўйиндан ташқари "бўрилар" “Фиорентина” ва “Специя” билан ҳам учрашувлар ўтказади.
