Испания чемпионати доирасидаги ўйинда яна ирқчи ҳақоратларга учраган Мадриднинг “Реал” клуби ҳужумчиси Винисиус ўзининг келажаги ҳақида бир қарорга келди.
ESPN нашри хабарига кўра, 22 ёшли бразилиялик ирқчиликка қарамай, "қироллик клуби"ни тарк этмоқчи эмас. Футболчининг атрофидагилар унга чемпионатни ўзгартиришни маслаҳат берган, аммо Винисиус "Реал"ни тарк этишни истамаяпти.
Винисиус "Реал"да 2018 йилнинг ёзидан буён ўйнаб келмоқда. Бразилиялик футболчи ва Мадрид клуби ўртасидаги амалдаги шартнома 2024 йилнинг ўрталарига қадар тузилган.
Ҳужумчи жорий мавсумда Ла Лигада 32 та ўйинда майдонга тушиб, 10 та гол ва 9 та голли узатмага муаллифлик қилган.
