"Барселона" "Бетис" ярим ҳимоячиси Гвидо Родригесни ўз сафига қўшиб олмоқчи. Инсайдер Габриел Санзнинг сўзларига кўра, "кўк-анорранглилар" аргентиналик футболчини тез орада кетадиган Серхио Бускетснинг ўрнини босувчи футболчи сифатида ўз қисқа рўйхатига қўшган.
Манбанинг таъкидлашича, "Барселона" ҳозирча трансфер бўйича аниқ чора кўрмаган ва ҳатто "Реал Бетис" билан ҳам алоқага чиқмаган. 29 ёшли Родригеснинг Мануэл Пеллегрини жамоаси билан шартномаси 2024 йилнинг ёзига қадар тузилган.
Эслатиб ўтамиз, Родригес Аргентина терма жамоаси таркибида 2022 йилнинг декабрида жаҳон чемпиони бўлганди. Ярим ҳимоячи жорий мавсумда Ла Лиганинг 31 ўйинида 1 та гол урди.
