"Barselona" "Betis" yarim himoyachisi Gvido Rodrigesni o‘z safiga qo‘shib olmoqchi. Insayder Gabriyel Sanzning so‘zlariga ko‘ra, "ko‘k-anorranglilar" argentinalik futbolchini tez orada ketadigan Serxio Busketsning o‘rnini bosuvchi futbolchi sifatida o‘z qisqa ro‘yxatiga qo‘shgan.
Manbaning ta’kidlashicha, "Barselona" hozircha transfer bo‘yicha aniq chora ko‘rmagan va hatto "Real Betis" bilan ham aloqaga chiqmagan. 29 yoshli Rodrigesning Manuel Pellegrini jamoasi bilan shartnomasi 2024 yilning yoziga qadar tuzilgan.
Eslatib o‘tamiz, Rodriges Argentina terma jamoasi tarkibida 2022 yilning dekabrida jahon chempioni bo‘lgandi. Yarim himoyachi joriy mavsumda La Liganing 31 o‘yinida 1 ta gol urdi.
