"Манчестер Сити" ярим ҳимоячи Илкай Гюндоган билан шартномани узайтирмоқчи, дея хабар бермоқда журналист Фабрицио Романо.
Манбага кўра, футболчига яна бир йилга узайтириш варианти билан 2024 йилнинг июнига қадар шартнома таклиф қилинган. Амалдаги шартнома мавсум охиригача амал қилади.
Олдинроқ немис футболчисига "Барселона"дан молиявий жиҳатдан фойдали таклиф тушгани ҳам хабар қилинганди. Унга 2026 йилгача мўлжалланган шартнома таклиф қилинган.
Ярим ҳимоячи таклифларнинг бирортасини қабул қилмаган бўлса-да, иккаласи ҳам долзарблигича қолмоқда. У яқин кунларда "Сити" билан музокаралар олиб боради.
32 ёшли Илкай Гюндоган жорий мавсум “Сити” сафида 48 та ўйинда майдонга тушди. Унинг ҳисобида 9 та гол ва 7 та голли узатма бор.
