"Аталанта" Италия А сериясининг жорий мавсумдаги асосий кашфиётларидан бирига айланган ҳужумчиси Расмус Хёйлунднинг нархини эълон қилди. Журналист Саймон Жонснинг фикрича, даниялик форвард потенциал харидорларга 70 миллион еврога тушади.
Манбанинг хабарига кўра, "Манчестер Юнайтед" ҳозирда фаол равишда футболчининг трансферига қизиқиш билдирмоқда. Олдинроқ футболчига "Реал" ҳам қизиқиш билдираётган эди.
20 ёшли Хёйлунд жорий мавсум Италия чемпионатида 8 та гол урди ва 2 та голли узатмани амалга оширди. Футболчи Австриянинг "Штурм" жамоасидан бергамоликлар сафиша ўтганидан сўнг А Серияда дебют мавсумини ўтказмоқда.