“Бунёдкор” жамоаси бош мураббийи Мурод Отажонов Суперлига 11-тури доирасида “Навбаҳор”дан учралган мағлубиятга изоҳ берди.

“Футбол икки тайм ўйналади, биринчи бўлимда ёмон ҳаракат қилиб, иккинчи 45 дақиқаликда барчасини ўнглаш қийин масала. “Навбаҳор”ни ғалаба билан табриклайман. Танаффусдан кейин амалга оширган ўзгаришларимиз ўйиннинг боришига ўз таъсирини кўрсатди.

Даврон Эргашевдек тажрибали футболчининг таркибда йўқ эканлигини дарров билинади. Баъзи нуқталарда маҳоратли ўйинчилар бўлмаса, мураббий режалари ўхшамайди.

“Навбаҳор” доим ҳужумкор ўйин намойиш этади. Жамоа сафида Ўзбекистон миллий терма жамоаси шарафини ҳимоя қилувчи футболчилар бир нечтани ташкил қилади. Шунга қарамай, бундай старт кутмагандик.

Биз стандарт вазиятлар устида иш олиб борамиз, аммо бугун бирорта стандартдан наф чиқара олмадик. Менимча, наманганликлар бу борада бизга қараганда кўпроқ тер тўккан кўринади”, – деди мутахассис.