Аргентина терма жамоаси ва “Брайтон” ярим ҳимоячиси Алексис Макаллистер клубини ўзгартиришга яқин турибди.
Инсайдер Фабрицио Романонинг ижтимоий тармоқларда ёзишича, “Ливерпуль” аргентиналик ярим ҳимоячининг янги иш жойига айланади.
Томонлар потенциал трансфернинг барча тафсилотларини амалда келишиб олди. Битим суммаси тахминан 70 миллион еврони ташкил қилади.
Алексис ЖЧ-2022да Аргентина терма жамоасининг асосий ярим ҳимоячиси бўлган ва жамоага жаҳон чемпионатида ғалаба қозонишга ёрдам берган.
Макаллистер жорий мавсумда Премьер-лигада 33 та ўйинда майдонга тушиб, 10 та гол ва 2 та голли узатмани амалга оширди.
