Argentina terma jamoasi va “Brayton” yarim himoyachisi Aleksis Makallister klubini o‘zgartirishga yaqin turibdi.

Insayder Fabrisio Romanoning ijtimoiy tarmoqlarda yozishicha, “Liverpul” argentinalik yarim himoyachining yangi ish joyiga aylanadi.

Tomonlar potensial transferning barcha tafsilotlarini amalda kelishib oldi. Bitim summasi taxminan 70 million yevroni tashkil qiladi.

Aleksis JCH-2022da Argentina terma jamoasining asosiy yarim himoyachisi bo‘lgan va jamoaga jahon chempionatida g‘alaba qozonishga yordam bergan.

Makallister joriy mavsumda Premyer-ligada 33 ta o‘yinda maydonga tushib, 10 ta gol va 2 ta golli uzatmani amalga oshirdi.