“Насаф” қаторасига иккинчи мавсум Андижонда рақиб дарвозасини 4 мартадан ишғол этди...

Қаршиликлар илк марта 2001 йилги мавсумда Андижонда мезбонлар дарвозасини 4 марта ишғол этишганди (“Андижон” – “Насаф” 4:4). Умуман сўнг уч учрашувда “Насаф” андижонликлар дарвозасига тўртта гол уриб келмоқда...

Кечаги ўйин жамоаларнинг Андижондаги 15-тўқнашуви бўлди. Бунгача водий ўтган беллашувда томонлар тўрттадан ғалабага эришган, олтита ўйинда муросага келинганди. Жума кунги учрашувдаги ғалаба   “Насаф”нинг  Андижондаги бешинчи ғалабаси бўлди.. (Бунгача қаршиликлар 1999, 2004, 2006, 2011 йилларда сафарда уч очко эгасига айланишган).

Қаршилик футболчилар ушбу мавсумда иккинчи марта водийга сафар уюштиришди ва ҳар иккала сафар ҳам иродали ғалабага эришишди. НАманганда “аждарлар” 0:1 ҳисобида имкониятни бой бериб, кейин ғалабага (2:1) эришган бўлишса, Андижонда 0:2 ҳисобини 4:3 айлантиришга куч топа олишди...

Ўтган мавсумда “Андижон” – “Насаф” учрашувида Шавкат Раимқулов “Насаф”га қарши ҳаракат қилган бўлса, бу гал у “Андижон”га рақиблик қилди. Шунингдек, биринчи даврада Қаршида “Насаф”га қарши майдонга чиққан Владимир Шишелов бу гал собиқ жамоасига қарши майдонга тушиш билан бирга мавсумдаги 13-голини киритишга ҳам эришди...

“Андижон”-“Насаф” учрашувини бошқарган Ҳасан Рўзиев ушбу мавсумда бунгача фақат бир марта Ўзбекистон кубоги доирасида (“НАсаф”- “Бухоро” 2:0) қаршиликлар иштирокидаги учрашувни бошқарганди.  Ушбу ҳакам бошқарган иккинчи учрашувда ҳам “Насаф” рақибни таслим этди. Қизиғи Рўзиев бошқарган учрашувларда Артур Геворкян рақиблари дарвозасини ишғол этмасдан қолмаяпти..

Артур Геворкян кечаги учрашувда жаримадан киритган  голи ўзаро учрашувларда “Насаф” 80-голи сифатида тарихда қолди. Алишер Тўхтасиновнинг голи эса ўзаро ўйинларда андижонликларнинг  40-голи сифатида эсда қолди...