Рио Фердинанд Ла Лига президентини Винисиус ҳақидаги сўзларидан кейин истеъфога чиқишга ундади.
Эслатиб ўтамиз, Винисиус Жуниор "Месталья"да бўлиб ўтган Ла Лиганинг 35-тур учрашувида "Валенсия" мухлислари томонидан ирқчиликка асосланган ҳақоратларга учраган эди.
Ўйиндан сўнг "Реал Мадрид" вингери "Твиттер" саҳифасида Ла Лигани танқид қилган баёнот ёзиб, лигада ирқчилик "одатий" ҳолга келганини таъкидлади. Ла Лига раҳбари Хавьер Тебас Винисиуснинг постига жавоб бериб, у ўйинчи ирқчилик намоён бўлган тақдирда Ла Лига хатти-ҳаракатларини тушунтириши керак бўлган маслаҳатлашувга келмаганини айтди.
"Ҳозироқ нафақага чиқинг! Жирканч, шармандали, у ҳақиқатдан шунчалик узоқдаки, мен бу одамнинг ўзи ижтимоий тармоқларда хабар ёзишга рухсат берилганига ишонмайман.
"Ирқчилик ҳолатлари жуда кам учрайди." Бу йигит хабардор эмасми? Унинг сўзларига кўра, фақат 9 марта ирқчилик содир бўлган" - деб пост қолдирди "Манчестер Юнайтед"нинг собиқ ҳимоячиси Тебаснинг постидан иқтибос келтирган ҳолда.
