"Манчестер Юнайтед" бош мураббийи Эрик тен Хаг ҳужумчи Антони Марсьялнинг ёзда жамоани тарк этишини истамоқда. RMC Sport хабарига кўра, нидерландиялик мутахассис "Борнмут"га қарши ўйинда содир бўлган воқеадан кейин франциялик футболчига ишончини йўқотган. Ўшанда Марсьяль алмаштирилганидан норози бўлиб, тўғри трибуна остидаги хонага йўл олди.
2022/2023 йилги мавсумда Антони Марсьяль “Манчестер Юнайтед” сафида 27 та ўйинда майдонга тушди. Уларда франциялик футболчи саккизта гол урди ва шерикларига учта голли узатма берди.
Transfermarkt экспертлари 27 ёшли форвардни 15 миллион еврога баҳоламоқда.
