Каталониянинг "Барселона" клуби ўз ҳимоячиси Жюль Кунде учун нарх белгилади. Журналист Тони Хуанмартининг хабар беришича, "кўк-анорранглилар" франциялик футболчини 80 миллион еврога сотишга тайёр.
Эслатиб ўтамиз, ўтган ёзда "Барселона" ҳимоячи учун "Севилья"га роппа-роса 50 миллион евро тўлаган эди.
Аввалроқ Жюль раҳбариятдан уни бошқа жамоага сотишни сўраган, чунки у ўнг қанот ҳимоячиси позициясида ўйнашни истамаган. Футболчи ҳимоя марказидаги вазифасига қайтишни истаётганини аниқ айтди.
Келаси ёзда Кунде трансфери учун қайси жамоалар кураш олиб бориши ҳозирча номаълум. Лондоннинг "Челси" клуби Жюлга бир йил аввал қизиқиш билдирганди.
