Мюнхеннинг "Бавария" клуби кейинги трансфер ойнасида ўз дарвозабони Александр Нюбелни сотишга тайёр. Эслатиб ўтамиз, немис сўнгги икки мавсумни Франциянинг "Монако" клубида ижарада ўтказган.
Журналист Флориан Плеттенбергнинг хабар беришича, Нюбель дарвозабон Мануэль Нойер билан рақобат қилишни истамагани учун "Бавария"дан кетмоқчи. "Бавария" футболчини 15-20 миллион еврога қўйиб юборишга тайёр.
Қайд этилишича, “Бавария” ҳозирча Нюбелни сотиш бўйича ҳеч қандай таклифга эга эмас. Эслатиб ўтамиз, Александр январь ойида жароҳат олган Мануэль Нойер ўрнига "Монако"дан ижарадан жамоага қайтишдан бош тортган эди.
