"Барселона" Испания чемпионатининг ўттиз олтинчи туридан ўрин олган ўйинда "Вальядолид"га мағлуб бўлди ва жамоа учун ҳеч нарсани ҳал қилмаган ўйинда "кўк-анорранглилар" сафида Иньяки Пенья дебют қилди.
Энди Иньяки "Камп Ноу"да ҳам ўз дебютини ўтказишга умид қилмоқда. Қизиғи шундаки, у аллақачон бу ерда ўйнаган, аммо ўтган мавсумда "Галатасарой" футболчиси сифатида бу содир бўлган эди. Истанбул клуби эса Европа Лигаси плей-офф босқичида айнан “Барса” билан тўқнаш келди.