"Эвертон" ярим ҳимоячиси Амаду Онана ёзда жамоани тарк этиши мумкин, дея хабар бермоқда Football Insider.

Молиявий қийинчиликлар туфайли, «Эвертон» трансферлар учун маблағ олиш учун бир нечта футболчиларни сотишга тайёр. Клуб Онананинг клубга сезиларли даромад келтиришига ишончи комил ва уни 60 миллион фунт эвазига қўйиб юборишга тайёр.

Амадуга "Манчестер Юнайтед" ва бошқа бир қанча Премьер-лига клублари қизиқиш билдирмоқда. Қишда "Челси" уни қўлга киритишга ҳаракат қилди, "Арсенал"дан қизиқиш бор эди.

Онана жорий мавсумда 34 та ўйинда 1 та гол урди ва 2 та голли узатмани амалга оширди.