Машҳур бразилиялик қўшиқчи Анитта 2022/23 йилги мавсум Чемпионлар лигаси финали олдидан чиқиш қилади.
УЕФА расмий сайти хабарига кўра, Анитта ва нигериялик мусиқачи Burna Boy 10 июнь куни Истанбулдаги "Отатурк" стадионида бўлиб ўтадиган "Манчестер Сити" - "Интер" учрашуви олдидан мухлислар учун қўшиқ куйлайди.
2022 йилда Анитта "Envolver" хити билан бутун дунё бўйлаб катта шуҳрат қозонди ва "Энг яхши янги қўшиқчи" номинациясида Грэмми мукофотига номзод бўлди.
"Ҳамма ниҳоят бу янгиликдан хабардор бўлганидан жуда хурсандман! Мен Чемпионлар Лигаси финали олдидан шоуда қатнашганимдан хурсандман ва Burna Boy билан саҳнага чиқишни сабрсизлик билан кутяпман. Биз стадионда ва бутун дунё бўйлаб мухлисларга тенгсиз шоу тақдим этишга умид қиламиз, шунинг учун уни 10 июнь куни томоша қилишни унутманг. Уни ўтказиб юбормаслик яхшироқдир!" — деди хонанда.
