"Арсенал" вингери Букайо Сака Лондон клубининг АПЛнинг жорий мавсумидаги натижалари ҳақида фикр билдирди.
"Арсенал" узоқ вақт давомида турнир жадвалида пешқадамлик қилди, аммо якунда чемпионликни "Манчестер Сити"га бой берди.
"Биз тўғри йўналишда ҳаракат қилмоқдамиз. Сўнгги йилларда катта ўзгаришларга гувоҳ бўлдим.
Шубҳасиз, бу мавсум ҳақида гапириш жуда аламли. Бу мавсумни қандай якунлаганимиз ва нимага эришганимиз ҳақида ўйлаш мени жуда хафа қилади. Лекин охирги йилларда мен фақат жамоа ва клубнинг ўсишини кўрдим.
Вақт биз томонда. Жамоага қаранг, кўплаб футболчилар ёш. Биз чанқоқмиз, кўпчилигимиз "Арсенал"да соврин ютмаганмиз, шунинг учун биз катта ютуқларга эришмоқчимиз. Бизнинг сўзимизга кўра, биз ғалаба қозонишни хоҳлаётганимиз аниқ ва биз буни "Арсенал"да амалга оширишни хоҳлаймиз", - деди Сака Goal билан суҳбатда.
