"Ньюкасл" Саудия Арабистони компанияси билан ҳомийлик шартномасини имзолаши мумкин.
Sky Sports маълумотларига кўра, Sela "Ньюкасл"нинг энг йирик тижорат шериги бўлиши мумкин ва унинг логотипи клуб футболкаларининг олд томонида жойлашган Fun88 қимор компанияси ўрнини эгаллайди.
Клуб ҳозирда компания билан ҳамкорлик бўйича музокаралар олиб бормоқда. Агар келишувга эришилса, ҳамкорлик кейинги ойда янги тўпламлар чиқарилишидан олдин эълон қилиниши мумкин.
Sela спорт тадбирларини ташкил қилади ва Саудия Арабистони терма жамоасига ҳомийлик қилади. "Ньюкасл" билан мумкин бўлган келишув миқдори ҳозирча аниқланмаган.
Эслатиб ўтамиз, "Ньюкасл" саудияликларга тегишли.
