Англиянинг "Брайтон" жамоаси ўз тарихида илк бор еврокубокларда иштирок этиш йўлланмасини қўлга киритди. Бу ҳақда клуб хўжайини Тони Блум жамоанинг натижаларидан хурсанд эканлигини яширмади.
"Мавсумни яхши бошладик, кейин Грэм Поттер менга қўнғироқ қилиб, кетишини айтди. Янги мураббийни олиб келиш ҳар доим хавф туғдиради, лекин биз мукаммал инсонни танладик. Унинг мотивацион қобилиятлари, тактик режалари - бу шунчаки ақл бовар қилмайдиган даражада. Мен узоқ йўлни босиб ўтганимиздан фахрланаман", — деди Блум BBC Sport билан суҳбатда.
