9 октябрь куни «Ўзбекистон» спорт мажмуасида футзал бўйича 17-Ўзбекистон чемпионати баҳслари старт олди.

Футзал бўйича янги мавсум бир қатор сабабларга кўра қизиқарли воқеаларга бой бўлиши кутилмоқда.

Таркибига футзал бўйича Ўзбекистон терма жамоасининг асоси ўтиши билан пойтахтнинг «Локомотив» клуби таркиби кучайди ва чемпионлик учун ҳақиқатан ҳам кураша оладиган яна бир кучли жамоа пайдо бўлди. Шундай қилиб, «Локомотив» «Ардус», «Бунёдкор» ва «Максам-Чирчиқ» каби мамлакатнинг етакчи клубларига рақобат кўрсатишни мақсад қилган.

Албатта, мусобақаларнинг янги регламенти тўғрисида ҳам алоҳида тўхталиб ўтиш жоиз. Энди Ўзбекистон чемпионатидаги ўйинлар сони аввалги мавсумлардагидан кўра кўпроқ бўлади. Икки даврадан иборат мусобақа якунига етганидан сўнг 9 ва 10-ўринларни эгаллаган икки жамоа Биринчи Лигага тушиб кетади, қолган 8 жамоа эса плей-офф босқичида курашни давом эттиради. Плей-офф босқичи уй-сафар тизимидаги икки ўйиндан иборат бўлади. Ҳар иккала ўйинда дуранг натижа қайд этилса, қўшимча учинчи ўйин ўтказилади. Плей-офф босқичида жамоалар чемпионатда эгаллаган ўринларига кўра жуфтликларга бўлиб чиқилади: 1-8, 2-7, 3-6, 4-5.

Ўзбекистон чемпионатининг биринчи ўйин кунига қайтиб шуни ишонч билан айтиш мумкинки, мусобақа старти муносиб равишда ўтди. Айниқса, куннинг сўнгги ўйини – «Локомотив» ва «Бунёдкор» ўртасидаги баҳс айниқса ёрқин курашларга бой ўтди. Ҳар иккала ҳам жамоа ҳам майдонга жанговар кайфиятда чиқиб келгани ўйин натижасида ўз аксини топди. Оғир ўтган ўйинда «Бунёдкор» футзалчилари «темирйўлчилар» устидан иродали ғалабани қўлга киритишга муваффақ бўлишди – 4:3. Биринчи бўлимдан сўнг 1:3 ҳисобида имконитяни бой бериб турган «Бунёдкор» иккинчи бўлимда воқеалар ривожини ўзгартиришга муваффақ бўлиб, мавсумдаги ўзининг илк 3 очкосини ишлади.

Футзал бўйича Ўзбекистон чемпионати
1-тур учрашувлари натижалари
9 октябрь, сешанба
«Гулистон» (Сирдарё) – «Нафис» (Самарқанд) 9:3
Голлар: Адҳам Аъзамов (1, 30), Жаббор Қулиев (9, 14, 24, 26, 36), Дилшод Бошманов (27), Шерзод Алижонов (40) – Хуршид Бобоқулов (10), Амир Азимов (27, 39).

«Турон-С» (Андижон) – «Строитель-З» (Навоий) 8:3
Голлар: -

«Пахтакор» (Тошкент) – «Чирчиқ-Максам» (Чирчиқ) 0:5
Голлар: Шавкат Деҳқонов (6, 7), Мақсуд Файзуллаев (19), Умид Ҳолматов (34), Хуршид Тожибоев (36).

«Когон» (Бухоро) – «Ардус» (Тошкент) 0:5
Голлар: Дилшод Раҳматов (7, 12), Шаҳзод Бўриев (14), Жамолиддин Шарипов (24), Зариф Бекулов (38).

«Локомотив» (Тошкент) – «Бунёдкор» (Тошкент) 3:4
Голлар: Артур Юнусов (10, 14), Константин Свиридов (14) – Ғулом Мамажонов (3, пенальти), Аъзам Саидаҳматов (20, 31), Бахтиёр Умаров (35).

Ўзбекистон чемпионати 1-босқич 1-турнинг қолган ўйинлари тақвими
10 октябрь, чоршанба
10:00. «Когон» - «Гулистон»
12:00. «Ардус» - «Строитель-З»
14:00. «Максам-с» - «Турон-С»
16:00. «Бунёдкор» - «Пахтакор»
18:00. «Нафис» - «Локомотив»

11 октябрь, пайшанба
10:00. «Турон-С» - «Бунёдкор»
12:00. «Гулистон» - «Ардус»
14:00. «Строитель-З» - «Максам-Чирчиқ»
16:00. «Пахтакор» - «Нафис»
18:00. «Локомотив» - «Когон»

13 октябрь, жума
10:00. «Нафис» - «Турон-С»
12:00. «Бунёдкор» - «Строитель-З»
14:00. «Гулистон» - «Локомотив»
16:00. «Когон» - «Пахтакор»
18:00. «Ардус» - «Максам-Чирчиқ»