"Фиорентина" бош мураббийи Винченцо Италиано ёзда "Наполи"ни бошқариши мумкин, деб хабар бермоқда Il Mattino нашри.
Қайд этилишича, неаполликларнинг амалдаги устози Лучано Спалетти футболчиларга мавсум якунида жамоани тарк этишини айтган. Айнан Италиано "Наполи"нинг янги бош мураббийи лавозимининг барча мумкин бўлган вариантлари етакчиси ҳисобланади.
Қайд этилишича, клуб президенти Аурелио Де Лаурентиснинг якуний танлови мураббий қўллаган ўйин схемасига боғлиқ бўлади. "Наполи" бош мураббийи жамоадан Италиано ҳам амал қиладиган 4-3-3 схемасида ўйнашда давом этишини истамоқда.
Италианонинг "Фиорентина" билан шартномаси 2024 йилнинг ёзига қадар амал қилади ва клублар ўртасидаги муносабатлар яхши бўлишига қарамай, Рокко Комиссо "Наполи" жамоаси учун чегирмаларни амалга оширмайди. Бундан ташқари, агар "бинафшаранглилар" президентининг шахсан ўзи Италианони қўйиб юборишни истамаса, у ҳолда томонлар ўртасидаги музокаралар ҳам бошланмайди.
