"Fiorentina" bosh murabbiyi Vinchenso Italiano yozda "Napoli"ni boshqarishi mumkin, deb xabar bermoqda Il Mattino nashri.
Qayd etilishicha, neapolliklarning amaldagi ustozi Luchano Spaletti futbolchilarga mavsum yakunida jamoani tark etishini aytgan. Aynan Italiano "Napoli"ning yangi bosh murabbiyi lavozimining barcha mumkin bo‘lgan variantlari yetakchisi hisoblanadi.
Qayd etilishicha, klub prezidenti Aurelio De Laurentisning yakuniy tanlovi murabbiy qo‘llagan o‘yin sxemasiga bog‘liq bo‘ladi. "Napoli" bosh murabbiyi jamoadan Italiano ham amal qiladigan 4-3-3 sxemasida o‘ynashda davom etishini istamoqda.
Italianoning "Fiorentina" bilan shartnomasi 2024 yilning yoziga qadar amal qiladi va klublar o‘rtasidagi munosabatlar yaxshi bo‘lishiga qaramay, Rokko Komisso "Napoli" jamoasi uchun chegirmalarni amalga oshirmaydi. Bundan tashqari, agar "binafsharanglilar" prezidentining shaxsan o‘zi Italianoni qo‘yib yuborishni istamasa, u holda tomonlar o‘rtasidagi muzokaralar ham boshlanmaydi.
