"Челси" ёзги трансфер ойнасида хорватиялик ярим ҳимоячи Матео Ковачич билан хайрлашади.
Goal.com портали хабарига кўра, ярим ҳимоячи хизматларига Премьер-лиганинг уч нафар клуби қизиқиш билдирмоқда. Гап “Манчестер Сити”, “Манчестер Юнайтед” ва “Ливерпуль” ҳақида бормоқда.
Ковачич трансферидан "кўклар" тахминан 40 миллион евро ишлаб олишлари мумкин. 29 ёшли ярим ҳимоячининг "Челси" билан шартномаси 2024 йилнинг ўрталарига қадар мўлжалланган.
Ярим ҳимоячи жорий мавсумда лондонликлар сафида АПЛда 26 ўйинда майдонга тушди. Матео битта гол урди, иккита голли узатмани амалга оширди ва саккизта сариқ карточка олди.
