Якшанба куни "Манчестер Сити" АПЛнинг сўнгги турини "Брентфорд"га қарши ўтказади.
Олдинда Хосеп Гвардиола жамоасини Англия кубоги (3 июнь) ва Чемпионлар лигаси (10 июн) финаллари кутмоқда. Испаниялик мутахассис чемпионатнинг сўнгги ўйинида қайси таркибни майдонга туширишни режалаштираётгани ҳақида гапириб берди.
"Биз футболчиларнинг ҳис-туйғуларини кўришни истаймиз. Биз таваккал қилишни хоҳламаймиз. Ғалаба қозонишни истаб, таркибни танлаймиз. Биз имкон қадар кучли ўйнашни истаймиз. Ким тайёр бўлса, у таркибда бўлади", - деди Гвардиола.
Гвардиоланинг сўзларига қараганда, учрашувга "Манчестер Сити"нинг асосий таркиби футболчилари жалб этилади.
