"Барселона" мухлислари Марк-Андре тер Штегенни жамоа сардори бўлишини хоҳлашади.

Серхио Бускетс ва Жорди Альба мавсум якунида жамоани тарк этиши сабабли Серхи Роберто "кўк-анорранглилар"нинг янги сардори бўлиши керак. Бироқ, у мухлислар орасида машҳур эмас.

Mundo Deportivo ўқувчиларининг фикрича, немис дарвозабони "Барселона"нинг доимий сардори бўлиши керак. Тер Штеген ҳозиргача сўровномада 47,16 фоиз овоз олган.

Иккинчи ўринда ҳимоячи Рональд Араухо, унга респондентларнинг 26,37 фоизи овоз берган. Кучли учликни Френки де Йонг (6,62 фоиз) ёпади.

Кучли бешликка, шунингдек, Серхи Роберто (6,31 фоиз) ва Роберт Левандовски (5,25 фоиз) кирган.

Олдинроқ Левандовски ва Араухо "Барса"нинг янги сардори бўлиши мумкинлиги хабар қилинганди.