"Манчестер Юнайтед" бош мураббийи Эрик тен Хаг ярим ҳимоячи Жэйдон Санчонинг жорий мавсумдаги ўйини ҳақида гапирди.

“Жэйдон ўнг қанотда ўзини яхши кўрсатди. “Челси”га қарши ўйинни яхши ўтказди (4:1). Санчо жамоанинг жорий мавсумда муваффақиятга эришган футболчиларидан бири. Бу кейинги ривожланиш учун ажойиб асосдир", - дея нидерландиялик мутахассиснинг сўзларини келтиради манкунианликлар матбуот хизмати.

Санчо жорий мавсум Англия Премьер-лигасида 25 та ўйинда майдонга тушди. 23 ёшли ярим ҳимоячи 5 та гол урди ва 3 та голли узатмани амалга оширди.