"Барселона" бош мураббийи Хави жамоа ёзги трансферлар вақтида чап қанот ҳимоячисини сотиб олиш ниятида эмаслигини айтди.
"Бу ёзда биз Жорди Альба ўрнига янги чап қанот ҳимоячисини олмаймиз, чунки бизда Алекс Бальде ва Маркос Алонсо бор. Бизга Серхио Бускетснинг ўрнига футболчи керак. Шартнома молиявий фейр-плей ҳолатига боғлиқ бўлади. Менга курашларда ғалаба қозонадиган ақлли, қатъиятли футболчи керак", - дея Хавидан иқтибос келтиради италиялик журналист Фабрицио Романо.
Жорий мавсум якунида каталонияликлар жамоасини ярим ҳимоячи Серхио Бускетс ва ҳимоячи Жорди Альба тарк этади.
