Италия чемпионатининг 37-туридан ўрин олган ўйинлар 27 май, шанба куни бўлиб ўтди.

“Интер” ўзида “Аталанта”ни қабул қилди ва 3:2 ҳисобида ғалаба қозонди. “Нераззури” сафида Ромелу Лукаку, Николо Барелла ва Лаутаро Мартинеслар ўз ҳисобига гол ёздириб қўйди. Меҳмонлар таркибида Марио Пашалич ва Луис Муриел биттадан гол муаллифига айланишди.

Ушбу ғалаба туфайли "Интер" ўз очколарини 69 тага етказди ва жадвалда 2-ўринга кўтарилган ҳолда келаси мавсум учун Европа чемпионлар лигаси йўлланмасини кафолатлади. "Аталанта"нинг мағлубияти туфайли "Лацио" ҳам ЕЧЛ йўлланмасини нақд қилди. "Милан" эса қолган икки ўйинда 1 очко жамғармаса ҳам ЕЧЛда иштирок этади.

Бергамоликлар жуда катта эҳтимол билан келаси мавсумда Европа лигасида иштирок этишади.

А серия, 37-тур
27 май, шанба
“Интер” – “Аталанта” 3:2
Голлар: 1:0 – 1 Лукаку, 2:0 – 3 Барелла, 2:1 – 36 Пашалич, 3:1 – 77 Мартинес, 3:2 — 90+1 Муриел
“Интер”: Онана, Думфрис, Д’Амброзио (Дармиан, 83), Ачерби, Бастони (де Врей, 81), Димарко (Гозенс, 70), Брозович, Чалҳанўғлу, Барелла (Аслани, 81), Лукаку (Жеко, 81), Мартинес.
“Аталанта”: Спортелло, Меле (Околи, 86), Толои, Жимшити, Скалвини, Заппакоста, де Рон, Пашалич (Лукман, 61), Копмейнерс, Эдерсон (Муриэль, 69), Ҳейлунд.
Огоҳлантириш: Толои (58).