Маълумки, «Шўртан» вакиллари 18-тур доирасида «Нефтчи»га қарши кечган учашувда ўзларининг олий лигадаги 250-голларини киритишган ва унга Игорь Таран муаллифлик қилганди. 21-турда «Олмалиқ»қа қарши учрашувда Таран жамоасининг яна бир юбилей голини рақиб дарвозасига йўллади. Яъни «Шўртан» элитага чиққандан буён унинг олий лига (256), Ўзбекистон кубоги (84) ва ОФК кубоги (10)даги жами голлари сони 350 тани ташкил этди.

«Шўртан»-«Бухоро» учрашувида 400-довонга йўл очилишини кутгандик, аммо бу «Металлург»-«Шўртан» учрашувига қолдирилди. Хўш, бу голни ким киритади? Буни 19 октябр куни Бекободдаги учрашув аниқлаб беради. Терма жамоанинг ЖЧ-2014 якуний саралаш босқичи 4-тури доирасидаги ўйини сабабли қисқа муддат танаффусга чиққан «Оқ бўрилар» ўйинга тайёргарликни 12 октябрдан бошлайдилар.

«Шўртан»нинг «Металлург» билан ўзаро учрашувлари тарихи ва бўлажак ўйинга оид маълумотлар билан яқин орада сайтимиз орқали танишишингиз мумкин бўлади.