"Манчестер Юнайтед" афсонаси Рой Кин испаниялик дарвозабон Давид де Хеани танқид қилди.
“Мен Де Хеани имкон қадар тезроқ жамоадан олиб ташлаган бўлардим. У "Манчестер Юнайтед" совринларини қайтариб бера олмайди.
Бунга ишончим комил. Муваффақиятли ўйинлари учун уни мақташлари шунчаки кулгили. Бу унинг доимги иши", - деди Кин.
Давид 2011 йилдан бери "манкунианликлар" шарафини ҳимоя қилиб келмоқда. Дарвозабоннинг “қизил иблислар” билан шартномаси келаси йилнинг июнигача ҳисобланган.
Де Хеа жорий мавсумда барча турнирларда 57 та ўйинда майдонга тушиб, 59 та гол ўтказиб юборган. 25 ўйинда испаниялик ўз дарвозасини "қуруқ" сақлаб қолди.
