Дортмунднинг “Боруссия” клуби ярим ҳимоячиси Жуд Беллингем Германия чемпионатида мавсумнинг энг яхши футболчиси деб топилди, деб хабар беради лига расмий сайти.
19 ёшли ярим ҳимоячи ўтган мавсумда Бундеслигада 31 та ўйинда майдонга тушиб, 8 та гол урди ва 5 та голга ассистентлик қилди.
“Боруссия” сўнгги турда “Майнц”га қарши ўйинда (2:2) ғолибликни қўлдан бой бериб, мавсумни иккинчи ўринда якунлади.
Олдинроқ англиялик футболчи келаси ҳафта расман "Реал" футболчисига айланиши ҳақида хабар берилганди.
