"Астон Вилла" "Лидс" ярим ҳимоячиси Жек Харрисонни сотиб олишга тайёр. TalkSport хабарига кўра, Унаи Эмери жамоаси инглиз ҳужумкор футболчисини қўлга киритишга қарши эмас.
Эслатиб ўтамиз, кеча "Лидс" чемпионшипга тушиб кетгани маълум бўлди, бу АПЛда қолишни истайдиган Харрисоннинг трансфери бўйича келишувни сезиларли даражада соддалаштиради. Эслатиб ўтамиз, Жек "товуслар" сафида 2018 йилдан бери ўйнаб келмоқда, ўшанда жамоа ҳали иккинчи дивизионда ўйнаб юрганди.
Харрисон бу мавсумда Премьер-лигада 5 та гол ва 7 та голли узатмани амалга оширди. 26 ёшли ярим ҳимоячи “Манчестер Сити” тарбияланувчиси ҳисобланади.
