"ПСЖ"нинг собиқ футболчиси, ҳозирда РМC радиоси эксперти Жером Ротеннинг фикрича, Париж клуби бош мураббий Кристоф Галтьега иккинчи имконият бермаслиги керак.

"Ҳа, у клубни чемпионлик сари етаклади, аммо афсуски, бугунги чемпионлик "ПСЖ" учун одатий ҳол. Галтье мураббий сифатида жамоага нима олиб келди? Унинг услуби қани? "ПСЖ"дек таркибга эга бўлсанг, мустаҳкам пойдевор қуришинг керак. Аввалига учта ҳимоячи билан ўйнайман, деган бўлса, кейинроқ яна тўрттага қайтди. Гоҳида учта марказий ярим ҳимоячи билан ўйнади, гоҳида тўрт нафар футболчини ўрта чизиққа қўйди... У жуда кўп таркибни синовдан ўтказди, аммо таркибни шунчалик узоқ синовдан ўтказсангиз, бир лаҳзадан кейин назоратни йўқотиб қўясиз ва бу ўйинда кўринади.

"ПСЖ" сўнгги 27 ўйиннинг 9 тасида мағлуб бўлди! Ўртача ҳар уч раундда битта мағлубият. "ПСЖ" учун буни тасаввур қилиб бўлмайди. Афсуски, Галтье учун ғалабалар ҳеч қачон осон бўлмаган.

Кристоф иккинчи мавсумга лойиқ эканини айтди. Кечирасиз, Кристоф, уринишингиз муваффақиятсизликка учради", - дея Ротеннинг сўзларини келтиради RMC.