Мадриднинг "Реал" клуби ҳужумчиси Карим Бензема ёзда жамоани тарк этиш ҳақида жиддий ўйламоқда, деб хабар беради Relevo.
Манбага кўра, раҳбарият 35 ёшли футболчи фаолиятини Европа чемпионатидан ташқарида давом эттиришини инобатга олиб, Бенземанинг кетишига тўсқинлик қилмайди. Шунингдек, Бензема яна бир мавсумни "Реал Мадрид"да ўтказиши ва 2024 йилда Саудия Арабистонидан клубга ўтиши эҳтимоли бор.
Аввалроқ, франциялик ҳужумчи Саудия Арабистонидан таклиф олгани, у ерда унга 200 миллион евро маош билан икки мавсумга шартнома таклиф қилингани ҳақида хабар берилганди.
Бензема 2009 йилдан бери "Реал"да ўйнамоқда. Жорий мавсумда у барча турнирларда 42 та ўйин ўтказиб, 30 та гол урди ва 6 та голли узатмани амалга оширди.
