Madridning "Real" klubi hujumchisi Karim Benzema yozda jamoani tark etish haqida jiddiy o‘ylamoqda, deb xabar beradi Relevo.
Manbaga ko‘ra, rahbariyat 35 yoshli futbolchi faoliyatini Yevropa chempionatidan tashqarida davom ettirishini inobatga olib, Benzemaning ketishiga to‘sqinlik qilmaydi. Shuningdek, Benzema yana bir mavsumni "Real Madrid"da o‘tkazishi va 2024 yilda Saudiya Arabistonidan klubga o‘tishi ehtimoli bor.
Avvalroq, fransiyalik hujumchi Saudiya Arabistonidan taklif olgani, u yerda unga 200 million yevro maosh bilan ikki mavsumga shartnoma taklif qilingani haqida xabar berilgandi.
Benzema 2009 yildan beri "Real"da o‘ynamoqda. Joriy mavsumda u barcha turnirlarda 42 ta o‘yin o‘tkazib, 30 ta gol urdi va 6 ta golli uzatmani amalga oshirdi.