Англия Премьер-лигаси дунёдаги энг рақобат кучли мусобақалардан биридир. Унинг бу мавсумдаги якунлари кимларнидир хурсанд қилди, кимларни эса йўқ. Шунга қарамай, инглиз футболи ҳар галгидек бизга бир олам таассуротларни хадя этди. Бугун бу лиганинг яна бир қизиқ томонига назар ташлаймиз. Унда АПЛнинг VAR'сиз турнир жадвалига назар солинади. Гарчанд айрим позициялар ўзгарсада, асосий ўринлар технология таъсиридан бебаҳра қолган.
"Брентфорд" VAR бўлмаганида "Астон Вилла"нинг еттинчи ўринини олган ва Конференсиялар лигасига чиққан бўларди. Биз шунга ўхшаш, VAR билан боғлиқ ҳолатларнинг 114 тасини ўрганиб чиқдик ва асл ҳакам қарори қолганида қандай ҳолат юз беришини тахмин қилдик. Шу ҳолатлардан 54 тасида голлар бекор қилинди. Голларнинг 36 таси оффсайд сабаб йўққа чиққан. 13 та гол эса қайтадан тикланган. Шунингдек, VAR қарори билан 27 та пенальти белгиланган бўлса, 12 та пенальти бекор қилинган. Ўрганишлар шуни кўрсатдики, "Ньюкасл"га ўтган мавсумда энг кўп VAR томонидан таъсир кўрсатилган. Технология қарори ортидан 11 марта клуб фойдасига, 11 марта клуб зиёнига қарорлар чиққан.
Турнирда қатнашаётган бешта ҳамоа – "Челси", "Манчестер Сити", "Саутгемптон", "Эвертон" ва "Лидс" VAR'дан фақат учта ҳолатда фойда кўрган. "Фулхэм"да бу кўрсаткич иккитага тенг холос. Таҳлилларнинг умумий манзараси шундай хулоса берадики, августь ва май оралиғидаги 380 та ўйинда қайд этилган натижалар асосида шаклланган турнир жадвалига VAR арзирли таъсир қилмайди. Хусусан, кучли тўртлик VAR'сиз ҳам шундай тартибда бўларди. Аксинча, VAR бўлмаса, "Манчестер Сити" 5 очко фарқ билан эмас, балки 12 очко билан мавсумни якунларди.
"Брайтон" икки очко кўпроқ тўплаб, "Ливерпул"дан ўзиб кетган бўларди. Шунга қарамай, ҳар икки жамоа барибир ЕЛ позицияларида қолаверарди. "Брентфорд" VAR'нинг қарорлари икки очко фойда келтирган бўлса, "Астон Вилла"дан жами 11 очко олиб ташлаган.
Юқоридаги VAR'сиз жадвалга назар солар экансиз, яна пастроқда ҳам ўзгаришлар унчалик кўзга ташланмаслигига гувоҳ бўласиз. Хусусан, "Челси" ва "Брентфорд" мос равишда 11 ва 12 ўринларда бўлади. "Ноттингем"ни "Вест Хэм" ва "Борнмут"дан ўзиб кетиб, 14 га кўтарилиб олганини кўриш мумкин. АПЛ билан хайрлашганлар орасида ҳам ўзгаришлар мавжуд эмас. Улар барибир Чемпионшипга йўл олган бўларди. Бироқ, "Эвертон" расмий жадвалдаги 2 очколик фарқ билан эмас, балки 1 очко билан элитада жон сақлаб қолган бўларди.
ИСМАТОВ Ж.
