Кўп йиллар давомида Криштиану Роналду агент Жорже Мендеш билан бирга ишлаган. Ўтган йил охирида португалияликлар ҳамкорликни тўхтатди. Хабар қилинишича, Роналду агенти Чемпионлар лигасида ўйнайдиган Европа клубига ўтишни ташкил қила олмагани учун Мендеш хизматларидан бош тортган.
Орадан олти ой ўтгач, Мендеш сукунатни бузиб, Роналду ҳақида гапирди.
"Роналду билан шахсий муносабатларимиз ажойиб. Роналду доим юрагимда қолади. Мен учун у ўзгача инсон ва ўзгача футболчи. Барчамиз португалияликлар шундай ўйинчи борлигидан фахрланишимиз керак", - деди Мендеш журналистларга.
Эслатиб ўтамиз, Роналду йил бошидан буён Саудия Арабистонининг "Ан-Наср" жамоасида тўп сурмоқда.
