Мексика терма жамоасининг собиқ дарвозабони Антонио Карбахаль 93 ёшида вафот этди. Бу ҳақда мамлакат футбол федерацияси Twitter платформасида маълум қилди.
Карбахаль 1950 йилдан 1966 йилгача бешта жаҳон чемпионатида иштирок этган тарихдаги биринчи футболчи бўлган эди. Бу рекорд немис Лотар Маттеус томонидан янгиланмагунча 32 йил давом этди.
Ҳозир шундай футболчилар олтитага етди. Ўтган йилнинг декабрь ойида Қатарда бу рекорд аргентиналик Лионель Месси томонидан такрорланган эди.
“Бешта жаҳон чемпионатида иштирок этган биринчи футболчи Антонио Карбахалнинг вафот этгани ҳақида қайғу билан хабар олдик. Унинг оила аъзолари ва унинг йўқотилишидан қайғураётган барча мексикалик мухлисларга самимий ҳамдардлик билдираман”, - дейди ФИФА раҳбари Жанни Инфантино.
Карбахаль бутун фаолиятини Мексикада - "Реал Эспанья" ва “Леон” клубларида ўтказди. Икки марта мамлакат чемпионлиги, бир марта кубок соҳиби бўлиб тарихда қолган афсона. Дарвозабон Мексика терма жамоаси сафида 48 та ўйинда майдонга тушган.
Антонио Феликс Карбажал Родригес 1929 йил 7 июнь Мехико Ситида дунёга келган. Афсонавий “чарм тўп устаси” дарвозабон сифатида фаолият олиб борган. У "Реал Эспанья" ва “Леон” клублари шарафини ҳимоя қилган. Мексика терма жамоаси сафида 1950-1966 йиллар давомида 48 та ўйин ўтказган. Тарихда бешта жаҳон чемпионатида майдонга тушган олти нафар футболчидан бири (1998 йилгача у ягона эди).
1966 йилда Англияда бўлиб ўтган Жаҳон чемпионатида Карбахаль бешта финал турнирида майдонга тушган биринчи футболчи бўлиб, рекорд ўрнатди. Узун бўйли, чаққон дарвозабон 1950 йилда Бразилияда, 1954 йилда Швейцарияда, 1958 йилда Швецияда ва 1962 йилда Чилида бўлиб ўтган мундиалларда иштирок этган. 1966 йилги чемпионат у учун сўнггиси эди, бу жуда мантиқий эди, чунки у 1948 йилда Лондонда бўлиб ўтган Олимпиада учун терма жамоага киритилган футболчи Лондонда фаолиятини якунлаши ажойиб бўларди. Мексика терма жамоасининг ягона ўйинида майдонга тушиш баҳтига муяссар бўлмаган афсона Олимпиададан қайтиб, “Леон” клуби билан шартнома имзолади ва 1966 йилда фаолиятининг охиригача ушбу клубга содиқ қолди. Кейинчалик футболга хизматлари учун ФИФА олтин медали билан тақдирланган.
У ElSincocopasлақабини олган - испан тилида "Беш кубок" маьносини билдирувчи жумла футболчининг 5 бор мундиалда иштирок этгани шарафига қўйилган.
2021 йилдан бошлаб Антонио Карбажаль кўриш қобилиятини йўқотгани учун стадионга боришни тўхтатди. Бироқ, у радио орқали футбол ўйинлари трансляцияларини тинглашда давом этди ва журналистларга интервьюлар берди.
У 2023 йил 9 майда 93 ёшида вафот этди.
