"Манчестер Юнайтед" ёзда марказий ҳужумчи сотиб олмоқчи. Клуб қизиқиш билдирган футболчилар орасида "Бенфика" футболчиси Гонсалу Рамуш ҳам бор. “Қизил иблислар” ярим ҳимоячиси Бруну Фернандеш ҳамюрти ҳақида гапирди.
"Агар у шундай ишлашда давом этса, у дунёнинг энг яхши ҳужумчиларидан бирига айланиши мумкин. У аллақачон бу даражага яқинлашган, аммо ҳозирда у янада рақобатбардош лигага ўтиши ва у ерда буни исботлаши керак. Унда барча имкониятлар бор.
Рамушда АПЛ ва “Манчестер Юнайтед”да ўйнай оладиган сифатлар бор. Лекин мен клубнинг спорт директори эмасман. Қачонки мен шундай бўлсам, қарор қабул қиламан", - деди Фернандеш Sportv нашрига.