УЕФА президенти Мишель Платини 11-12 октябрь кунлари Тошкентда бўлди.

УЕФА президенти Мишель Платини 11 октябрь куни Тошкентга ташриф буюрди. Ташриф давомида Европа футбол уюшмалари иттифоқи раҳбари ЎФФ президенти Мираброр Усмонов билан учрашди, “Пахтакор” ва “Бунёдкор” стадионлари бориб танишди. ЎФФ президенти билан мулоқот чоғида Платини Ўзбекистон минтақада футболи энг ривожланган мамлакати эканлигини қайд этиб ўтди.

Платини бошчилигидаги делегациянинг Тошкентга ташрифи 12 октябрь куни якунига етди.

Қуйида Мишель Платинининг Тошкентга ташрифидан тайёрланган фоторепортаж билан танишишингиз мумкин (суратлар муаллифи – Ҳасан Пирмуҳамедов (ЎФФ матбуот хизмати)).

УЕФА президенти Мишель Платини 11 октябрь куни ЎФФга ташриф буюрди.

Платини Ўзбекистондаги болалар футболига эътиборни юксак баҳолади.

ЎФФ биносидаги Ўзбек футболига бағишланган музей Платинида ёрқин таассурот қолдирди.

ЎФФ президенти Мираброр Усмонов Платини бошчилигидаги УЕФА делегациясининг Тошкентга ташриф буюрганидан мамнунлигини билдирди.

Платини Ўзбекистон терма жамоасининг Европа термалари билан ўртоқлик учрашувлари ташкил этишда, шунингдек, бошқа масалаларда кўмак беришга тайёрлигини билдирди.

УЕФА президенти "Пахтакор" стадионидан эсдалик совғалар билан қайтди.

Мишель Платини бошчилигидаги делегация "Бунёдкор" футбол мажмуаси билан яқиндан танишди.

Платинининг таъкидлашича, футболга кўрсатилаётган катта эътибор келажакда албатта ўз мевасини беради.

Мишель Платини Ўзбекистонда кўрсатилган илиқ муносабат ва меҳмондўстлик учун миннатдорчилик билдирди.