Лондоннинг "Арсенал" клуби марказий ҳимоячиси Вильям Салибани йўқотиш хавфи остида. The Sun хабарига кўра, "канонирлар" футболчининг янги шартнома бўйича қўйган талабларидан ҳайратда. Эслатиб ўтамиз, франциялик футболчининг амалдаги шартномаси келаси мавсум охирида якунига етади.
Салиба ва "Арсенал" деярли бир йилдан бери янги шартномани муҳокама қилишмоқда, аммо ҳозирча муросага яқинлашишмади. "ПСЖ" вазиятни фаол кузатиб бормоқда ва Вильямни таклиф қилишдан хурсанд. Эслатиб ўтамиз, 2021/22 йилги мавсумда Салиба "Марсель"да ижара асосида ўйнаганида Лига 1нинг энг яхши ёш футболчиси деб тан олинганди.
Салиба жорий мавсумда Премьер-лигада иккита гол урди ва битта голли узатмани амалга оширди.
