Londonning "Arsenal" klubi markaziy himoyachisi Vilyam Salibani yo‘qotish xavfi ostida. The Sun xabariga ko‘ra, "kanonirlar" futbolchining yangi shartnoma bo‘yicha qo‘ygan talablaridan hayratda. Eslatib o‘tamiz, fransiyalik futbolchining amaldagi shartnomasi kelasi mavsum oxirida yakuniga yetadi.
Saliba va "Arsenal" deyarli bir yildan beri yangi shartnomani muhokama qilishmoqda, ammo hozircha murosaga yaqinlashishmadi. "PSJ" vaziyatni faol kuzatib bormoqda va Vilyamni taklif qilishdan xursand. Eslatib o‘tamiz, 2021/22 yilgi mavsumda Saliba "Marsel"da ijara asosida o‘ynaganida Liga 1ning eng yaxshi yosh futbolchisi deb tan olingandi.
Saliba joriy mavsumda Premyer-ligada ikkita gol urdi va bitta golli uzatmani amalga oshirdi.