"Барселона" ярим ҳимоячиси Педри ҳеч қачон индивидуал соврин ютиш ниятида бўлмаган. Эслатиб ўтамиз, ярим ҳимоячи фаолияти давомида дунёнинг энг яхши ёш футболчисига бериладиган "Golden Boy" мукофотини қўлга киритган.
“Мен ҳеч қачон “Олтин тўп” ёки бошқа шахсий совринни қўлга киритишни ўз олдимга мақсад қилиб қўймаганман. Шунга қарамай, мен ҳар куни яхшиланишга ҳаракат қиламан. Нуфузли индивидуал совринни қўлга киритиш ақлдан озган воқеа бўларди, лекин мен ўз олдимга бундай мақсадларни қўймайман", - дея Педрининг сўзларини келтиради Mundo Deportivo.
Педри ушбу мавсумда "Барселона"га 6 та гол ва голли узатма билан Ла Лигада ғолиб чиқишга ёрдам берди.
