"Барселона" директорлар кенгашининг собиқ аъзоси Хавьер Бордас "ПСЖ" ҳужумчиси Килиан Мбаппени сотиб олишга уриниш ҳақида маълумот берди.
Функционер Килиан Мбаппени жамоага жалб этиш бўйича муваффақиятсиз уриниш ҳақида гапирди. Унинг сўзларига кўра, "Барселона" унинг учун ажойиб сумма тўлашга тайёр эди.
"Мбаппе 100 миллион евро эвазига "Барселона"га ўтиши мумкин эди. Неймар кетганидан кейин бизга вингер керак эди. "Барселона" Дембеле билан шартнома имзолади, аммо иккаласини ҳам олиш имконияти бор эди. Мбаппе "ББC" (Бензема, Бейл ва Роналду триоси - муаллиф) туфайли "Реал"га боришни истамади. Натижада, "Барселона" Коутиньо билан шартнома имзолади" - деди Бордас.
