Словакиялик машҳур ярим ҳимоячи Марек Гамшик футболчилик фаолиятини якунлашга қарор қилди.

35 ёшли футболчининг сўнгги клуби Туркиянинг "Трабзонспор" жамоаси бўлган.

Ўтган мавсумда ярим ҳимоячи барча мусобақаларда 32 та ўйинда иштирок этиб, 3 та гол ва битта голли узатмага муаллифлик қилган.

Марек "Наполи" ва Словакия терма жамоасидаги ўйинлари туфайли энг катта шуҳрат қозонди. Неаполликлар клуби билан биргаликда у икки марта Италия кубогини қўлга киритган ва бир марта мамлакат Суперкубогини ютган.

Гамшик Словакия терма жамоаси таркибида 136 та ўйин ўтказиб, 26 та гол урган.