"Барселона"нинг собиқ бош мураббийи Луис Энрике ҳимоячи Жорди Альбанинг жамоадан кетиши ҳақида гапирди.

“Сиз ҳар доим энг юқори савияда ўйнагансиз ва кўплаб совринларни қўлга киритгансиз. Ўтган мавсумлар осон бўлмаганини биламан, лекин ўйинингиз менга ёқди. Сизни ноёб карьера билан табриклайман ва келажакда энг яхши тилакларимни тилайман", - дея Энрике сўзларини келтиради Marca.

Испаниялик футболчи “Барселона” тарбияланувчиси ҳисобланади. У каталонияликлар сафида жами 458 та ўйин ўтказиб, 27 та гол урди ва 99 та голли узатмани амалга оширди.