"Рома" ёзги трансфер ойнаси учун режалар тузмоқда. Жозе Моуриньо клуб ҳужумчи Ромелу Лукакуни ўз сафига қўшиб олишини истамоқда, дея хабар беради журналист Раҳмон Усмон ижтимоий тармоқда.
Қайд этилишича, “Интер” Лукакуни ўз сафида сақлаб қолишни истамаяпти, бироқ айни пайтда футболчи Италияда ўйнашни давом эттирмоқчи. Хабарингиз бор, 30 ёшли ҳужумчининг ҳуқуқлари "Челси"га тегишли.
2022/2023 йилги мавсумда Лукаку 35 та ўйинда майдонга тушиб, 14 та гол урди ва 6 та голли узатмани амалга оширди.