"ПСЖ" ҳимоячи Серхио Рамоснинг жамоани тарк этганини эълон қилди.

37 ёшли испаниялик эркин агент сифатида жамоани тарк этади, парижликлар футболчи билан 2023 йилнинг июнь ойи охиригача амал қиладиган шартномани узайтирмайди.

Рамос 2021 йилнинг июлидан буён "ПСЖ" сафида тўп тепаётган эди ва жамоа сафида 57 ўйинда майдонга тушиб, 5 гол ва 1 голга ассистентлик қилган. Испаниялик клуб билан биргаликда икки марта Франция чемпиони бўлган ва бир марта мамлакат Суперкубогини қўлга киритган.

Олдинроқ ҳимоячи фаолиятини ўзи тарбияланувчиси бўлган "Севилья"да давом эттириши мумкинлиги ҳақида хабарлар тарқалган эди.